অরাযুগ হোচপানা

যে ভাবনানি এজে ঘুরিফিরি ;

মনর আগাজত্ উড়ি উড়ি,

সনার বার্গী রুক্ ধুরি!

যুনি দেদেগি বার্গী ঝাঁক ;

বুঝিলিন্ ও পরান্...

হেনে পড়ে লাঙ্যাঁ মেইয়্যাঁ,

বার্গী দুয়োত্তুন্ ঝুড়ি ঝুড়ি।

দিখকোচনি হোনোদিন্ রেদোর আন্ধারত্,

তারাজামে উড়ি যাদে?

মিলেই যান্ চে ঝিমিদত্!

তুই অলেদে মর সে তারাজামে ;

যে তারা পহরত্ মাত্তল্ ওই,

এ্যবল্ মুই সাজুরোঙর সাগরত্!

ভেদাও দিলে, মিলেও গেলে

রেনি ন' পাজ্যা কালা আন্ধারত্!

ভাবঙর, হুদ্দুরত্..... হুদ্দুরত্???

কমলে ফুরেব' মর চেই থানা ;

পেম্ তর আওজর হোচপানা।

মনর আগাজত্ ন' উড়ি,

কমলে লামি এবে এ বুগোত্?

মুই ওদুঙ্ তর রাধামন ;

তুই অদে মর ধনপুদি।

ফিরে আনিদঙ্ দ্বিজনে সুদিন্ মাধান্।

"অরাযুক্ হোচপানা"র এ যুগোত্!!!