কবিতা
ভুদেপা দেখ্যের বাপ
"ভুদেপা দেখ্যে" মোন্ উদে ;
ধুন্দোমিধে চুমো আ ঢিবেদ্যে।
পুল্যাঙ' কাজাত্ মিধে চুমো ;
বুইয়ারে ডগরের উঁঞোঁ...উঁঞোঁ...।
ভুদেপা ভাবের ভুত্তো এল' ;
তে আর' বেশ্ গঙদি গেল'।
যেদক্ গঙেঁ যায় ভুদেপা ;
সেদক্ ভুদো এজের পাহ্!
শেঝ্ মেঝ্ দিল' ধাবা ;
চুমোবোত্ বাজিল' জুড়ে আহবা।
ঘরত্ লুঙিঁ কয়ধি তা মোক্কোরে ;
ভুত্তো দেবো আঞ্যেঁদে লোড়ে!
বাড়ে দিলগিদি ঘর সঙ্ ;
ঘরত্ উদি চেদগি এক্কা হি গরঙ্!
হুচ্ দি চেদগি ম' ঘরত্ ;
পরান্ কারি লোদুঙ্ চাবরত্!!!
২০/১১/২০১৬ইং