কবিতা
বো হঝা
মাজ্জেং দাধাত্তে বো হঝা,
চিগোন্ চিঝি যেব'।
গদা রেত্য ঘুম্ নেই......
হক্কে পহর অব'।
বেক্কুনে যাউয়্যে বো হঝা,
কামানি আঘে চেই।
হোই ফুরাইদি? মেলাহাম্!
একতারা পাদাও নেই!
কাক্কাবাচ্যা ঠেঙঁদো চাড়ি,
এক্কান্ দারবোও নেই।
বেক্ দোরানি লাগারাক্ দো,
বেক্কুনে বো হঝা যেই!
নুও'বো আধানা, ঈল্ অয় সং,
এনে অলে দোল্!
মেলা ঘরত্ লুঙ'দে লুঙ'দে,
পহঁত্যা আমল্ পোল্।
বদাগুল্যা ভাত্ জুগোল্ নেইনে?
উঝি পেবাচ্যে গমদালে।
আ' কুরো অদক্কো হুদু গেল্?
উঃ, হন্ পাদাত্তারা আন্দলে!!!
১৭/১২/২০১৬ইং