কবিতা
বিঝুত্ বলাঞ্যেঁ
বে! ইয়েন্ হি মিজেল্ পাজনানত্?
---- ঘঞ্যাঁ মাজ' শুগুনো।
ই, আমা পাজনানত্ অলে হিচ্ছু নেই,
দাঙ্গা বাদে উজুনো।
বিঝু বাজারত্ ওলোদো মনদোই,
তা'আবে বাজারত্ গেল্।
বড় হামিনী "ফের" ভাঙঁদে ভেলে,
লাক্যে হুড়ি সের।
গুলোদক্ টেঙাঁ, দরপ্ মংঘাহ্,
একপাক্ হেলে ফুরান্।
মরে হয়ধি, বিঝু দিঞ্যাঁ ভেলে,
বানিদো সিংগোবা দোরান্।
পারেনি বে! বিঝু দিনোত্,
ঘরত্ দোর বানী।
হোবালত্ নেই! হুদু পেদং বে!
বাজারর দরপ্পানি।
হে পেলে তেহ্ বেড়েব'......
ন' থায় ভিলি থেদঅ!
বিঝু দিঞ্যাঁ বেক্কুন্ সং বে!
নাধা - থাউয়্যা যদঅ।
পাজনতোন্ হলে পাজনতোন্,
উজুনো অলেও সাচ্যে।
গরবা বুঝদি এক্কা ছের পেলে বে!
হামাক্কায় গুরি যেসচ্যে!
বে! চে থেমবোই চ্যে বাচ্ছে!
১১/০৪/২০১৭ইং