কবিতা
বুরত ভোরেবং ভুজিরে
ভুজি কানের গুজি গুজি,
দাদা মনান হুজি হুজি।
দাদালোই ভুজি সেপ লদন,
মুরুব্বি বাজী বাজী।
ঢুলনে ঢুলনে বাজ্যা বারি,
তেপতেপ্যা থোক আধতোন চারি।
সেপ দিলগোই চলাআপ আজু,
নুওবো, নুওজামে মাধাত ধুরি।
বৌ তপ্পেত্তুন বো গোজে,
মামাহ্ গুজিল' আওজে।
রবিবারে যেবাক বিষুদ ভাঙাঁ,
বেক্কুনে ললাক পুর বুঝে।
ঘরত ফিরিবাক সমবারে,
যিদ্দুর পারন স্ববরে।
গাধি বুরপারি শুদ্ধ-সাঙ্গয়,
বুরত ভোরেবং ভুজিরে।
২৭/০৭/২০১৭
সাবালা কন্না অব'?
জুমত কুজিলং গেলং ধান,
বান্দর' নক বিনি।
ভাতলাক পেলে আনিবংগোই,
দোগান বাজী কিনি।
ঠেঙঁত কিনিবং ঠেঙঁত খারু,
আধত কিনিবং তাজ্জুরে।
গলা ভরন ঠেঙাঁ ছড়া,
কুজি বাঙুঁরী, রাজ্জুরে।
বাঞ্যাঁ দোগান, চত্তি দোগান,
পুন্দুরি উবোদ গুরি।
সনার চিজিত্তে বো চা যেবং,
লাঙেঁল পদ ধুরি।
খীজাও নয়, দেবানও নয়,
রাজার ঝিবো লব'।
যুগোল উয়ো বাপ-ভেই লক,
সাবালা কন্না অব'???
২৮/০৭/২০১৭