জাগি উধো জুম্মো
লারমার সৈঞ্যঁ!
বুগোপাদা জুম্মো!
উজে য' উজে য',
পিঠ্ ন' লাম্য!
ছ'বাই ন' হেম্যঁ!
ফেলে দুয়ো মরা হিজাক্!
অফিত্তি হদাকতালাক্!
উভোদ্ গর'! দুলি নেজ'!
দেজ্ বাজ', মা-বোন্ বাজ'।
উজে য' জুম্মো!
পিঠ্ ন' লাম্য।
ছ'বাই ন' হেম্যঁ!
এ দেজর্ জাগা মাদি,
হদক্ আর্ হেবাক্ লুদি।
তর্ মর্ মা-বোন্-----
চোখ্ ফেলে ফেলে নেজাদন্ ধুরি।
আর্ হি চেবার্ আগে,
আর্ হি দেবার্ আগে,
লামি এজ' বাপ্-ভেই।
সংজয়ারে উজে যেই!
জাগি উধো জুম্মো!
পিঠ্ ন' লাম্য!
ছ'বাই ন' হেম্য।
হাত্তুন্ হাত্তুন্ রুজের্ এরাছাজ্!
উম্ উম্ লোর্ চিন্দেবাচ্!
কার্ কার্ বুগোপাদা দাদ'!
সংজয়ারে সংগুরি আহধ'!
মুজুঙেদি উজো! পিঠ্ ন' লাম্য!
জাগি উধো জুম্মো!
ছ'বাই ন' হেম্যঁ!
জুম্মো লো কার্ কিয়েত্ আগে?
দোল্ দেজ্ হন্যাঁ স্ববনে দেগে?
যার্ আর্ পিজেদি যেবার্ জাগা নেই।
নিগুজ্ নিগুজ্ এ হধানী ভাবীনেই,
লাগারাক্, বিয়োঙ্ ধুরিনেই!
সংজয়ারে উজেযেই!
জাগি উধো জুম্মো!
পিঠ্ ন' লাম্য!
ছ'বাই ন' হেম্য।।।
১২/০১/২০১৫
( ৪৫)
"পাদারা"
ইজোর্ পিজোর্ ওজোলেঙ্ সিংগোবা ;
নিগিলের ছমার্, উজোনী লামনী ;
দুনিয়ের্ পাদারা, আদামর্ মেরেইয়া!
কিয়া থত্তোচ্যা! হি উয়ে হিজেনী!
ধুন্দো খার্ তুগুত্ তুগুত্।
উদের্ বজের্ হনিঁজিস্যা!
এজের্ যার্ আগনীছালত্।
আহধত্ নিত্য তামলুকহুত্তি ধুচ্চ্যা।
ভাত্ লব' ভিলি তোন্ লয়।
মা ডাগেল্লোই তা মোক্কোরে।
ভুদি হুলের্! ভুদি বাহনের্!
হন্ পঝা হুন্দি সমরের্!
ঘুমে ঘুমে ছন্দভাচ্ মাদে ;
ঝাগত্ ঝাগত্ উগুরী উদে!
হি উয়ে হলে, চোখ্ পিজে!
বঃনিঝাস্ ফেলায় আমিজে!!!
১৪/০১/২০১৫