কবিতা
পদর বাধি ডাঙঁর ভুজি
ঘরঅ কামে, বাগঅ কামে,
নিজেস নেইয়্যে ভুইয়ে-জুমে।
চিগোন বেবে ন' লামিলে,
কাম ন' উজোয় কনঅ ভামে।
এচ্যে বেবেরে বৌ'চা এলাক,
এক্কান কধাত্তে শিরে বিজিলাক।
চঅলাং চঅলাং ভাত্তুন হেই,
বৌ'চা মানুচ ফিরি গেলাক।
কন কধান হক্কে কবঅ,
কন কধান গুনজি থবঅ।
কধান ন' শুনদে বেক্কুন হুজি,
আঝি, রঙ্গে, হলঅ লবঅ।
পদর বাধি ডাঙঁর ভুজি,
কবনি ভালা? হুজি হুজি।
কেনে ধরে বেলে হবর ন' পায়,
চিগোন বেবে বেনো সুজি।
একখু কধায় সাঙ্গ ওল,
হরচ পাদি পানিত পোল।
অদর পদর কিচ্ছু নেই,
ডাঙঁর ভুজিত্তে ঘরত জোল!!
২৪/০৯/২০১৭