কবিতা
পাত্তুং
মানা নেই বানা নেই, মেঘ' সান্ ভাজি যেই,
আগাজে আগাজে।
নেই চিদে নেই ডর, পদ্ অদ' মর ঘর।
ভুঙিঁদুং দেজে দেজে।
জুনো ঘরত্ এলানদি, তারা পহর হিয়েত্ গুলি,
গপ্ মাত্তুং জুনো লগে।
তারা লগে আঝিদুং, আমাদি ভাচ্ পারিদুং,
গীত্ গেদুং পেগ' ধগে।
বুইয়ার' আগায় আগায়, পিত্থীমির জাগায় জাগায়,
এ আগং এ নেই।
ফুলো লগে মধু ওই, সনার চিজির ধাগত্ বোই,
থে পাত্তুং তা আঝিত্ মিজিনেই।
গাবুরি গলাত্ চিকছড়া, চুলোত্ গুজেই ফুলছড়া,
লেবেদে থে পাত্তুং আমিজে।
গাবুজ্যে বুগোর মনোবল, জাত্তুং বীষ ওলাঅল্!
হরানত্ লামে পাত্তুং বারিজে।
২০/০৫/২০১৬