কবিতা
আওজো বিনিভাত
পরানে মাগিলে কাতকাত্যে,
খেমাখেমি নেই।
মনে ক'লে হি খে পারে নাহি,
পাহত্তুন ওলেনেই।
পাঘি ন' তাঙরের বিনি ধানান,
ইজু, কাবগোই।
সাত কাম ফেলে কাবিলাক্কোই,
হেবার দ্বি ওগোই।
রোদতান অয়ে মিধে মিধে,
ধানুন ওলাক অদা।
ঝাড়ি ন' পারে তুজো লগে,
চোলুন পড়ন্দোই গদা।
আজু হ'ধি পোগোনোত দ্যুও,
বাবাহ হ'ধি রান'নাহ।
মামাহ হ'ধি চামঅ মু,
ক'লে বানাহ অল'নাহ।
পাক্কোনান অয়ে মকতবা,
পোগোন পিলেও নেই।
পরানে মাঘে কুলুক কালাক,
প'নে ন' তাঙত্তে হেই।
নানু জালিলো ওলোনশাল,
মামাহ দিলগোই পাহত।
ফুদি ন' তাঙত্তন ইন্দি আজু,
ধুও ধল্লগোই আধ।
চিজি পাদেল্লোই ধাবা ধাবা,
ইক্কো কদরা।
আওজো বিনিভাত এবার হ',
পেচ্চাল পেচ্চাল মেধেরা।
০২/১০/২০১৭