কবিতা
উদোশুউনি মুদোবাচ
বিঝু রামর তিন্নো পুও,
বেক্কুন MA পাশ।
হালিক তারা এব' ন' চিনন,
উদোশুউনি মুদোবাচ।
ইক্কোয় হ'ধি তুই মুত্তোস,
ইক্কোয় হ'ধি তুই!
কজ্যা বাঝে লড়ালুড়ি,
মালোস গত্তন ভুঁই।
মা'ও আম্মক বাবও আম্মক,
ইয়ান হি কাম ওল?
ইদ্দুর লেঘা পড়া শিঘেই,
ইক্কে ঘরত জোল।
ভুত পারাহ্ পারাহ্ তিন্নো পুও,
কোনো ভেলত নেই।
হিলহিলাদন্দি দেন দেবেদাই,
নিজো ঘরত য়েই।
পুওউন যুনি গম ওদাক,
সুঘোত ভাজতুঙ এদক্কন।
বিঝুরামে হোবাল বিনায়,
হোবালত আধদি আমিক্কন।
০৩/১০/২০১৭