ইহিঁজক

হুড়ি হুড়ি পড়ের জার,

অলা বেলেইবুয়া থান ন' পার।

কানসুখ লাগের, মু-আধ ধোই,

চিজিরে চ'গোই পড়ের বোই।

তাত্তুন শুনি ভাত্তুয়া মনায়,

লেঘা মাদাদে চিজিরে ভেঙাঁয়।

ভাজে ন' হুলোর চিজি ধক,

জিলে ন' ধরের ; ইহিঁজক!!!

০২/১১/২০১৭

উং চুয়া প্যুঅঃ

যেবরে যেব' উড়ি যেব'

সনার চিজি আগাজ হেব'

আধত দিলুং জরা লাগে,

হেক্কোমুরি দ্যুঅঃ।

আততুবো বাজ' বেত ফিরি,

বানি দিলুঙ ভিরি ভিরি,

এ বান থোক দরমরঅ',

উং চুয়া প্যুঅঃ!!!

আগাজত আগন পুরি মিলে,

চিজিরে দিবাক চিত, ঘিলে,

ন'হে ন'হে তারে দিবাক,

ডাক্কো রাদাঁ দ্যুঅঃ।

আগাজত উড়িবো আমা চিজি,

হমর পাগে হুঝি হুঝি,

দ্যুঙর উড়ে মন্দ্র বলে,

উং চুয়া প্যুঅঃ!!!

০১/১১/২০১৭

Bottom of Form

Bottom of Form