বিঝু বেড়ান্

এচ্যে ভুজি ভজান্ হুজি,

বিঝু বেড়ান্ হাজেয়্যে।

বিনি পিধেয়, সান্নে পিধেয়,

জুর জুর গুরি সাজেয়্যে।

বিঝু বেড়ানত্ পিধে মজা,

দিবাক্কোই ভাগগুরি।

তুলী থুয়েগোই উত্তোমাজাত্,

পোগোন্ পিলে আকগুরি।

দাধাহ্ নিদ' চায় বায়াঁল' পিধে,

ভুজি হ'ধি থোকনাহ্।

দাধাহ্ হ'ধি হদক্ যেবাক্???

আঝার টেঙাঁ যোকনাহ্!!!

বায়াঁল' পিধে, বায়াঁল' ফেজন্,

পুদি পুদি সপ্পানি।

আজু হ'ধি, সেনে যাল্লোইও উধি,

দয়্যাঁ, মেইয়্যাঁ...বেক্কানি!!!

26/02/2017

বিঝু সাম্বাদ্

ফুলুনে দেধন্ সাম্বাদ্,...

বিঝু এ্যবার হাজেয়্যে।

ফুদদন্ গাজে গাজে,

ইলেপাদারে হুজিয়ে।

ফুদদন্ নানান্ ফুল্,

নাগর মাত্তন্ পেক্কুনে।

বিঝু এজের জুগোল্ অধন্,

গাজ্-বাজ্ বেক্কুনে।

বিঝু ফুল্লো তেনা দেল্লি,

মাদি ফাদিনে।

গেল্লে বজর লাগে থুয়োন্নি,

দ্বি আট্যে-নাদিনে।

ফিরিলো ফাগুনো আহবা,

মাত্তল্ বুইয়ারান্।

ঝিমিদত্ নিল' উড়েই,

দোগোনত্তুন্ হবঙাঁন্।

১০/০৩/২০১৭ইং