♥তরে স্ববনে দেগিম্ ভিলি♥
তরে স্ববনে দেগিম্ ভিলি,
সিধেনর্ ফুগুদিকানা রাগেয়ঙ্ খুলি।
ফুলো পাগোরোর্ দুয়ো মিলি ---
এবে তুই উড়ি উড়ি।
তর্ দোল্ কিয়ারঙ্, তুমবাচ্!
চেরোপালা পুরিবো ঝুরিঝুরি।
চে থেম্ মুই আহমক্ গুরি!
কাম্মোবী, তুই এবে ভিলি।
রেত্ নীঝি পত্থম্ ঘুম্ লেজাত্।
আদেক্যা গুরি!
তুই এবে ভিলি -----
জেদ্ চাবুগীর্ কালা পিনোন্।
চাবাং গাজর্ (ফুলোর্) রাঙাঁ খাদি।
যেন্ পুনংচান্!
অহলে, ফিরি এলে ধনপুদি!
ছ'কুড়ি ঘুজ্যা আদামত্,
নুয়ো গুরি।
তরে স্ববনে দেগিম্ ভিলি,
সিধেনর্ ফুগুদিকানা রাগেয়ঙ্ খুলি।
কাম্মোবী, তুই এবে ভিলি।
ননেইয়া গুরি ক'লে -----
কেজান্ আগছ্ নাগর্?
ও মর্ পরান্ দা!
নুদি নুদি চোখ্!
বেঙা-হোঙা চোগোবং!
মিদে মিদে আঝি!
উড়ং উড়ং মন্!
যেন্, চিত্ পুরিবো পাহ্!
গোদা দিন্নো মনত্ জুবিম্, যেন্--
রেত্তো এলে স্ববনে দেগিম্।
সেনত্যায়, ধনঞ্যঁ!
সিধেনর্ ফুগুদিকানা রাগেয়ঙ্ খুলি।
কাম্মোবী, তুই এবে ভিলি।
জুরহুম্ জুরঘট্ পাদে,
জুর্ কলাগাছ্ কুবি।
লাজে লাজে ভ' ভ' গুরি!
বাচ্চে থেম্ চুবি চুবি।
গোদা দিন্নো এ ভাবনানি জুবি জুবি।
রেত্তো এলে তরে,
স্ববনে দেগিম্ ভিলি।
সিধেনর্ ফুগুদিকানা রাগেয়ঙ্ খুলি।
কাম্মোবী, তুই এবে ভিলি।
খাদং-মেলং দ্বিবা চোখ্,
স্ববনে দেগিম্ তরে রেত্ নীঝি,
ওজোলেঙত্ বিচ্চোনত্ পুড়ি।
বানাহ্, তুই এবে ভিলি।।।
১৯/০১/২০১৫