কবিতা
আয় তুঙ্গোবী
আয় তুঙ্গোবী আমাইদু,...
দলা খারা ওই।
মাট্যা ঘরত চানা জগা,
মেত্তল মেত্তল বোই।
মামায়ো নেই বাবায়ো নেই,
যিয়ন দুখকামত।
ঘর চুগিবো থে পাং মুই,
বেল্যা মাধানত্।
আমা ঘরান ভাঙাঁচাঙাঁ,
কম্বা কম্বা ছের।
কুগুরে খেলেগোই মিজেলানি,
মাহত্তুন খেপেম মের।
চিক্কো পুদিরে লুক্কি পুদিরে,
বেক্কুন ডাগি আন।
সাত ভেইয়্যা, একবোন সাজিবং,
দুলোহুমোরী সান।
রুয়ো বাজত দুলোন টাঙেঁ,
দুলিবং দুলোনত।
মৌঁইয়্যা হুদোত, কাট্টোল খারা,
খেলিবং উদোনত।
তুই য়েস লূঃদি ধুরি,
ঝনাত ঝনাত গুরি।
আমি থেবং মৌঁইয়্যা হুদোত,
ভাতজরা বানদি ধুরি।
পাগানা কাট্টোল পাড়িস তুই,
রাজার উগুমে।
আমি থেবং কাট্টোল ওইনে,
কমরত ধুরিনে।
নুও বো, নুও জামে সাজিবং,
বিগিদি বিগিদি।
তুই ওচ মর রাধামন,
মুই ওম তর ধনপুদি।
১৯/০৫/২০১৭