দ্বি দাজ্যা রা
তিবিরাঙ্ গুইবো শর-শরার।
হুচ্যা হুরাবো কহর-হরার।
রাঙাঁ বে পরানান্ ধহর-পরার।
পেক্কুয়া পুনে লহর-হরার।
লুছ্যাঙ্ বেলেইবুয়া ঘর-ঘরার।
বুড়া হুরোবো অধক্ তক্-তগার।
ভরন্দি আদামত্ পুজ্জে জয়-জয়ার।
জুম্মোউনে দিয়োই এজ' সংজয়ার।
গুলিত্ ছগদাবুয়া তিক্-তিগার।
রোদে চোখ্কুন মির-মিরার।
য়িনে দাত্তুয়া শির-শিরার।
তাগলগত্তুন্ পানি ঝড়-ঝড়ার।
ভাত্তুয়া মনাবুয়া হের-হেরার।
হুত্তুরি বুচ্যা পের-পেরার।
হত্তাল্ মিলাবুয়া ভেন্-ভেনার।
দরে পাদুরি গির-গিরার।
অজাত্যা মজাবো হেন্-হেনার।
ভীর অইয়ে ফারদ দুরি চিন্-চিনার।
দিবুচ্যা ঘুচ্যা তাগা ঝন্-ঝনার।
জুলি উত্যে আগুনান্ ভন্-ভনার।
গাবুর পাক্কে রাঙাঁ দা হুন্-হুনার।
ননেইয়া নুদিবানী তেন্-তেনার।
ন' ধুরিচ্ চিগোন্ দা ছুর-ছুরার।
ছাজিত্ চিজিক্কো চেক্-চেগার।
হাজরত্ এরিয়া পুক্ জিক্-জিগার।
নিগিলের পজাবাচ্ গল্-গলার।
শন্ মজ্যে ঠেঙান্ ঝেন্-ঝেনার।
ভ' অইয়ে পাগালা ভদ্-ভদার।
পানি তিরাজে ধুরি ছদ্-ছদার।
আহধ্ ছাবরে য়াঁজা পদ্-পদার।
ঝালে লেত্য ধের-ধেরার।
ভুজোলে পিত্থীমি ধিগ্-ধিগার।
মুজ্জো যেই বুচ্যা তাক্-তানের!
তেলে মাল্যা ধক্-ধগার।
গড়া ফিয়োঙত্ ভাক্-ভাগার।
মালা উগুননোয় বির-বিরার।
চিনদিরা জুক্কো লিক্-লিগার।
আলচ্যা গপ্পো ফাক্-ফাগার।
শোল্য হুত্তরিবানি তাক্ তাগার!
চোরাইয়া পিত্তান্ আর' চুল্-চুলার।
হর' খেই জিলান্ টিঠ্-টিরার।।।
১৯/১২/২০১৪