ও মর নুদিবানী
ষোলো *বেইয়া ফুলর হাদি বুনি ;
সজমজ্ গুরি বুগোত্ বানী।
আঝং আঝং মূ নুদিবানী।
হেলাঙ্ হিলিঙ্ এ মুড়োমুড়িত্ ;
যেন্ শাওন্ ভাধ' মাস্যা,
জ্বলের বেবে বুগোত্ রানজুনি!!!
বৈজাখ্যা চোখ্ চোখ্ দেবাকালা ;
লাম্বা তার যেন্ চুলানি,
দ্বি তিন্ বের দিনেইও আলাঝালা।
চুলসুধো তাকঠিগিনীত্ ;
বুইয়ারে উড়ের কানজাবা চুল্ ;
চেমনি ন' চেম্??
চেবারও মনে হয়,
দ্বি চোখ্ মর ঝালাপালা!!!
কালা পিনোন্ রাঙাঁ হাদি ;
নয় অজল্ নয়ও বাদি।
রাঙাঁচাঙাঁ পরানবী মর,
ফিরেপাগে রিনি চেলুঙ্,
চোঘো লেজে মুরে মুরে।।।
স্বর্গর বেক্ সুখ্ এব' ;
নরগর বেক্ দুখকোনি ধেব',
আঝি আঝি পরানবী.......যুনি বোই থাচ্ মর কায়কুরে!!!
০১/০৬/২০১৫
( ১১০)কবিতা
# হিংসা পিঝুম্ #
গরর দ' গরর গম্ কাম্ ;
দ্বি এক্ জনে পাদন্ ত' নাঙ্।
আর' কিজু মানুচ্ থান্ ;
সে গমান্ গম্ ন' পাহন্।
দুবো আন্দলে কো ধরন্ ;
নয় নয় নয়.............!!!
নিজে দ' কিজু ন' পারন্ ;
মাঞ্যেঁ গল্লে হিংসে গরন্।
জাগি উধে রেচ্য পিড়ে ;
বান্ সজ্ অয় গিরায় গিরে।
লাজ্-দর্ ভুদি বানি ;
উত্তর-দোগিন্ ন' চিনি।
যুনি নিজর স্বাত্ত থায়,
সেক্কে তে পুরোন অয়-লবয়।।।