মিয়াঁজাল্
যুনিও এদক্ ন' ভাবঙ্ ;
কন্ হেনত্ পুরি আগঙ্।
ঊড়উড়েই লড়ে লড়ে ;
চহদে বো মুরে মুরে।
ইক্কে এবল্ হায়হুরে।
ঝিমিদত্ গেলাক্ বিদি ;
গাবুরর দিন্ কাল্।
রদ্-বল্ ফুরে গেল্ ;
বে সুঞ্জুক্ বুড়ো কাল্।
কয়দিন্ থানা পেদেপেদে ;
দেঘা যার ভেদভেদে।
ঘিরাত্ পুজ্জঙ্ কনাছেরে,
মরনান্ ইক্কে হায়হুরে।
আগে কদক্ দোল্ এলুঙ্ ;
বার গরে পা মূয়োচেরাক্!
*ফেনটেন্ গুরি দেঘিয়োঙ্ ভেরাক্ ভেরাক্।
পাত্তা ন' দোং যারে তারে ;
দেমাগে অহদত্ হুচ্ ন' পড়ে।
গঙবলা গাবুর' জীংকানি ;
গুঙিয়োঙ্ দিম্মাদান্,
ন' এল' ভাবনা।
এলায় এলায় গুঙিয়োঙ্ দিন্ ;
দাম্ ন' দোং কারর চোগোপানি।
আদে হাজে বুড়োবুড়ি অ'সায়র ;
এক্ দিন্ বুড়ো ওম্ মুই,
ন' ভাবঙ্ একতিল্যা ছর।
দিন্ শেজত্ সাজুঞ্যাঁ মাধান্ ;
তবাহ্ বুদি এজে পরানান্।
বিদিযিয়া দিনুনোর যোগ-বিয়োগ ;
ভাবীলে জুরোয় পরান্ পিয়োক্ পিয়োক্।
মিয়াঁজাল্ পিত্থীমি ;
যা পুরিব' সাতনাল্ সুধো ছিনি।
য়াজার্ ধুরি থাক্ আধে আধ্ ;
নেই কোনো হেমাহেমী!!!
ফেনটেন্ - মেকআপ্।