ক''বি
কুজি মুক্যা চঙঁর' ধক্ ;
কানজাবা চুল্ গুলোদক্।
দগিনোর মাত্তল্ বুইয়ারে ;
দোদোক্যা গালচাবাত্ আবরে।
মনে কয় থাক্ রিনি চে!!!
চোঘোলেজর পেজত্ পুরি ;
কয়দিন্ থেম্ ঘুরি ঘুরি।
কাদাঙর দিম্মাদান্ ঝুরিঝুরি ;
যুনি তুলি লচ্ আধে ধুরি।
মর আওজর চিগোন্ বে!!!
বুগোত্ বাজী চিকছড়া ;
আঝি হুজি ধহল্হরা।
চুলোত্ গুজে নাকশাফুল্ ;
দি এক্কান্ উড়ের ঠিগিনী চুল্।
উধিল' বেবের রংফুধি!!!
আগাজর পুন্নিমা চান্ ;
ঝুরি পল্ল' পারাপাং।
মাদি পিত্থীমি পহর ওল্ ;
সেদক্ পরানবীরে লাগের দোল্।
চান্দবী!
না ধনপুদি!!!
ভজামুক্যা সান্ দাধ' রং ;
বেঙা-হোঙা চোঘোবং।
যুনি দেগঙ্ মুয়োত্ আঝি ;
মন্ রিবেঙ্ উধে নাজি।
জুম্ চাগালার জুম্মবী!!!
সনাততালি পেগোসান্ ;
কধানিও তার অয়য়োই গান্।
আরন্দি রাজার দেজত্ কেনে বাজিবো ;
তং-কুলো বেজিয়া বুজ্যা ঝিবো।
দুঃখ্যা চিগোন্ বে ক'বি!!!
ক'বি = চাংমা পশ্চন্ ক'বি ধ'বি,
সে ক'বিরে নিনে লেঘা।
০১/০৭/২০১৫
১২৯)কবিতা
[ একজন ফেসবুক লারিয়ের আত্মকাহিনী ]
"পিজে ফেলে"
পুনোত্ ঘু মাধাত্ পানি ;
অভাব্ নিধুকতুক্ জীংকানি।
*চাদারা ফুরি যে,
আর' চাদারা ফুরঙর।
মনে মনে ভাবঙর ;
কি কাম্ গরঙর।
বেক্ কিজু বুজিশুনি ;
রঙ্যাঁ ভুদে মরে কন' গাঝা গল্লনী!!!
উন্দুরবো উদের আর পরের ;
গোজেনে কানের না আঝের।
এ মাধানত্ ফেসবুক লারানা,
মরে সবাই ন' সাজের!!!
মর সংসমাজ্যায় ;
সংসার রিনি চেই।
আয়,
ইনকাম্ ঠিক্ রাগেই।
যা ধগে তে,
দুখ্কাম,
বেগার,
চাগুরি।
মুই খাঙর,
গরাজ্ গরাজ্ মেগাবাইট।
খরচ্ গরঙর দিন্-রেইত্ ।
কন্ ফুগুদিকানাদি পহর দেঘি ;
আগঙ্ বানাহ্ সংসার চুগি।।।
ম' ভাজে লিঘিলুঙ্ সাজে সাজে ;
মরে বাজে,
তারে বাজে।
কিয়রে ন' পারিলুঙ্ কানে ;
ন' পারিলুঙ্ আঝে।
রিপরিপ্ দুরোত্ গেলাক্,
সংসমাজ্যায় মরে ফেলে।
মুই আগঙ্ ঘোনাঘুনি কনাছেরে ;
ইয়ানি হি মর লকফক্।
পাল আরেইয়া বান্দর' ধক্ ;
ছেরেদি পুরি রলুঙ্ পিজে।।।
চাদারা = এক ধুক্যা পাত্তর।