মন
যেক্কেত্তুন্ ধুরি ঈধোত্ গুরি ;
মন্,
তল্লোই আগঙ্ সংসমারি।
ন' পাঙর তরে ধুরি ;
কায় গেলে যাচ্ উড়ি।
বানিলে বান্ ন' মানজ্ ;
ইরি দিলে *কুত্ ন' ছারজ্।
ধুরি পাং ন' পাং মনান্ মর ;
পুষ্ কিয়া ন' মানজ্।।।
আধ্ বাভে যারে পেভে ;
আদে-কাঝে যারে দেভে।
সুগে-দুগে নিত্য সমার ;
সমাজ্যা ভাবী আধও বাভার।
তারে দ্যুর দুরোত্ ঠিলি ;
পাত্তা ন' দ্যুর চিগোন্ ভিলি।
ন' বুজঙ্ মনান্ মর ;
কাদেলুঙ্ এদক্ বজর।
ভিখারি ঘরত্ রাজা কিয়া সাজর???
ও মন্,
পুষ্ কিয়া ন' মানর।
এদক্ তরে বুজে চেলুঙ্,
আ কিয়া ন' বুজর।।।
আগাজর চান্-তারা ;
আধ্ বাভেলে পেব' পারা।
যারে পেদে নয় আধে ধুরি ;
তাল্লে মরর হায় হায় গুরি!
কধে চাং মনান্ মর......কাদেলুঙ্ এদক্ বজর।
যে তর নাঙ্ লধও লাজায় ;
তুই মরর তা আঝায় আঝায়।
বুজেলে ন' মানজ্ বুজ্।
দিন্ দ' ফুরেই গেল' ;
কমলে বুজিবো ঊজ্!
তরে তুই কিয়া বুজে ন' পারজ্???
এদক্ চেলুঙ্,
পুষ্ কিয়া ন' মানজ্।
"মন্" পুষ্ কিয়া ন' মানজ্।।।
কুত্ = নিজ জাগা,
গিরোজ,
নিজর গিরোজ।