যে আঝি

মনত্ আবরে থেবার বাজি ;

কোচ্ পেব'পা যে আঝি।

চেলে এজ' ম' লগে.........টাউনর মিয়াঁ ছাড়ি।

হামাক্কায় চেবার চেলে ;

বিল্ডিং,

ধামানা ঘর ফেলে,

নাঙেঁল্,

রিঝাঙ্,

জুমো পথ ধুরি।

যিধু......,

ঝেলাং ঝেলাং উজু বেড় ;

অ'ভেদর অ'সায়র ছের।

চাবারা ভাঙাঁর তালি উরে তালি।

উজু সুরুঙ্ মজা ঘর ;

ফদাংতাং বেল' পহর।

বুইয়ারান্ থায় আমিজে দুওমিলি।

সিধু.........,

নিউরি নিউরি গমে যেচ্ ;

ন' অলে ধুচ্ হেবে চেস্।

রিনি চেবে হুদ্দুর সাজি।

সিধু গেলে দেঘিবে ;

লাজে-ডরে মিজেয়ে,

দেবংশি সুদোমে সাজিয়ে।

মন্ জুরোনি,

পরান্ জুরোনি,

নাগরর মিধে আঝি।

যে আঝি.........,

মনত্ আবরে জীংকানিত্ থেবাক্ বাজী।

দেবংশি সুদোমে = প্রাকৃতিক নিয়মে।