কবিতা
জাগিবার গীত্
জাগ' জাগ' জুম্মোলক্ জাগ'।
নেই আর ঘুম্ যেবার সময়।
যে ঘুম্ যার তারেও ডাগ',
আর চোখ্ হাদি থেবার নয়।
রাঁদা হুরোর ডাক্ গেল' ফুরেই,
ফুত্যা ফুলোর বাচ্ছানি---
বুয়ারে নেজার উড়েই।
কালা আন্ধার পার অই গেল',
এল' ধহল পহর।
এজ' আমি মরার ঘুমে অলর।
হক্কে আমার ফুদিবাক্ দ্বিবা চোখ্?
দেগিবং চেরোহিত্তা?
আহধে আহধে গোরি এগত্তর,
গুরি ডাগাডাগি ----
এবার সমারে জাগি।
কদ' যুগ্ আগে জাগিলাক্ কদ' জাদে।
কদ'যুগ ধুরি চোখ্ হাদি থেবঙ্ দিনে-রেদে।
দেশ্চানে ডাগের, জাত্তুয়াই ডাগের,
গাবুজ্যে গাবুরী সমাজ্যা সমারী, শুন'---
মা-বোন, বাপ-ভেই।
দেশ্চানে জাত্তুয়াই আগে -----
আমা হিত্যে রিনি চেই।।।
২০/১২/২০১৪