ঘরসুধো পরানত্

ঝেল্ দি এল' খেত্ খেত্তি,

ছাড়া পুড়ি এল' জুম চাপ্।

হক্কে হক্কে পল'গি কাদিমাস্।

হানজাবা আবরে হবং পেজ্,

ডর' মর' গুরি তুই গোজেচ্,

ন' ধরে পারা চ্যা সেবাহাজ্।

চিগোন্ ছড়া দজরত্ বাচ্ছেচ্ছোই,

ন'লে এক হাব' মাধাত্তুন্ ডাগিচ্ছোই,

গায় গায় ন' যেচ্ ডরেবে।

ফিরিবার আগে ধুধুক্ বে,

ডাগিচ্ছোই মরে ইজিরে,

যেক্কে পুল্লেঙ পুরেবে।

মোনো ঘরানি আগে ছাড়া ওই,

গপ্ দিবংগোই ইজরত্ বোই,

বাচ্ছাহ্ বাচ্ছি গুরি ফিরিবং।

বীজবীজিদি,

সাবারাং,

ফুঁজি,

হারমা পাদা হারমা বীজি,

বনাহ্ বানি পুল্লেঙত্ তুলিবং।

ধরাধুজ্যে গুরি ধুধুক্কুন্,

লামিবংগি দ্বিজনে মোনোত্তুন্,

লুমিবংগি সাজুঞ্যাঁ আদামত্।

চিগোন্ ছড়ান্ পার অধে,

গঙ্গী স্বাক্ষী রাগে দ্বি আধে,

ঘরসুধো দি থবং পরানত্।