কাট্টোন্
পহরাজ্ মারিবের নেই ছের,
তুও,
ভাঙাঁ ঘরান্ চোঘোত্ ভাজের!
--সনার চিজিক্কো পঝাহ্ লাড়ের,
--এদক্কন্ তাম্মা অলে,
নেই আজের!
নাহি পধ' হিত্তে আঘে রিনি চে।
নিরিতিত্যে ন' হরে সপ্পানত্।
দেব'পাচ্ খাদিয়ান্ আঘেভেল্ তেগেনত্।
দিই পাত্তুং রাঙাঁ-কালা হিনি,
এদকদিন্ ফুরেদ' বুনি,
বুগোত্ বেরেই আঝিদো পরান্ বে!
মুই এত্তে ছলাত্ চিজি আম্মুর হারে,
এদকদিন্ অলে আড়-বাজ্ ধরে।
মুই আগঙ্ বাশঁচালিত্,
তে হি হোই পারে?
চিনিবোনি ন' চিনিবো কিজেনি মুই গেলে।
জাগুলুক্ ভাবনা সপ্পানত্,
ভাজাদেয় উদোহারি মনানত্!
পুরিথায় এ মনান্ ঘরানত্।
ঝাড়ে ঝাড়ে বনে বনে কাট্টোনত্।
মোত্তুংগি কিত্তেয় মর ধন্ থেলে!
বাঞ্যেঁ দগানর ঝুনঁঝুনি,
নেজেদিম্ হামাক্কায় মুই কিনি।
দ্বিবেদ্দর,
দ্বি ঠেঙঁত্ চেরবো,
টেঙাঁছড়া বেড়ে দিই দিম্মোই ফারবো।
নাজিবো ফালুক্ ফালুক্ পরানান্।
পিজুরো দোরোত্ তাম্মা বুজিবো,
মূ চেমে চেমে আঝিবো।
কানজাবাত্ আবুজে দাবা বাজ্,
মারেম্মোই মুই বেক্ পহরাজ্,
সেক্কে তেহ্ জুরেম্মোই পরানান্!!!
ইংরিজি।