কবিতা
হোচপানার গঙাঁরে
হরানর এ দিনোত্ ;
তর হোচপানার এক্ লেজা ঝড়ত্..
ভিজিম্ ভিলি,
এক্ পাত্তি তোইলা পিনি,
এগামনে নাঙঁ ঘিনি,
মনর আগাশ্চান্ রাগেয়ঙ্ খুলি।
ঝড়পুদো অইনে পুড়িবে এ বুগোত্,
পরছাল্য ফুল্ অইনে ফুদিবে দ্বি চোগোত্।
হোচপানার জুড়ি অইনে ঝুড়িবে,
তাগলক্ পাদি সে হোচপানার নালত্,
ভিজি যেম্, চিদ্ জুরেম্!
বাচ্ছে আগঙ্ আকুলোত্!
দাঙঁদাঙ্যাঁ রোদোত্, হরানে!!!
ফাদি গেল্ মনর নীরোচ্ ভুইয়ানি।
আঙিঁযার বিলপাদার!!!
দাঙাঁ যার মোন্-মুড়ো!!!
শুঘে গেল্ সাত্ দজ্যা, আ
ন' শুঘেইয়া উইফুত্, চোগোপানি!!!
তিরাজে কানিযার মনর তারুমোত্...
ছামলক্ কিয়ঙ্ কিয়ঙ্ র'গুরি!
অবাহ্ অবাহ্, কবাহ্ কবাহ্ শারাল্যায়,
মনর আগাজত্ ভঙের,
শিক্ শিক্ শিইক্ র' ছাড়ি!!!
বানাহ্ হরান্! চোখ্ মিরমিরান্!!!
কমলে জুরে দিবেগি মন্ পরান্।
খুজী ওম্ যুনি.......
তর হোচপানার গঙারে,
বড় ব' ঝড়ে!
ভাজেই নেজাস্ মর এ,
ভাঙাঁচোরা মন্ ঘরান্!!!!