কবিতা
এক আজুল হোচপানা
ঢ' লোই নয়, আড়িলোই নয় ;
দ্বি আধে আজুল্ গুরি,
মর নেইয়া, নোনিয়া হোচপানা,
নেয়েরেই আজিপুঝি।
এক্ বুক্ আঝা মনত্ জুবি ;
ত' বুগিত্ চাবি চাবি,
উভোদ্ গুরি দিলুঙ্ মাবি।।
আওজর এ হোচপানা ;
দুরোর আগাজর তারা,
আ অপার দজ্যালোই......
ন' দিম্ তুলনা।
মর উম্ উম্ হোচপানা ;
যুনি ভাবী তে থাচ্,"কাম্মোবী"....
কোচ্ পেই চিতপুরি,
ত' খাদি পেজত্ বানিলনা।
মর এক্ আজুল্ হোচপানা!!!
মর এই হোচপানা ;
ন' ভাবীচ্,
নুন্যেশীলো কুয়োপানি ধক্ পহন্।
উইফুদো ধক্ গভীন্।
ন' ভাবীচ্, এ হোচপানা ;
আক্ ডাবপানি।।।
এ হোচপানা......
তল্লেই ভিলি তেবেইয়া ;
তল্লেই ভিলি থুবিয়া ;
আলাজে মর দ্বি চোগর,
হোচপানার চোগোপানি!!!