কবিতা
বারিজার এ দিনোত্
বারিজার এ দিনোত্ ;
জুরো জুরো বুইয়ারত্।
লেবাঙ্ দিয়া কুজি ধান' পাদানী।
কাপ্ কাপ্ নাজিযার ;
দুরোত্ বাঝি র' শুনাযার।
ঈধোত্ উদের তরে হোচপানার পরানী।
তেদের তেদের দেবা ঝড় ;
ইত্তুক্ ইত্তুক্ বেল' পহর।
ইজোরোর দোগোনোত্ হবঙান্ ভিজিযার।
মোনো মাধাত্ হুয়োনি ;
হুদু আগজ পরানী।
ও পরান্, মর এ মনান্ কানিযার।
লাচ্যা গাজত্ একজুর হ' ;
যেন্ উড়িবার নেই ভ'।
থেক্ নেই ঝড় দের দেবাবো।
পহনত্তুন্ ওলুঙ্ হুলুক্ ;
মনান্ মর জাগুলুক্।
থেক্ হে হে দুরোত্ ডগরের কবাবো।
মোনো পিদিত্ ঘরানি ;
ঈধোত্ উদের পরানী।
কাদেয়েই চানাভুরোত্, চোগেচোখ্ একরিনি।
মন' কধা সয়সাগর ;
খুলি হুয়েই দিনভর।