ধনে চিগোন্ জনে চিগোন্,
ধনে চিগোন্ জনে চিগোন্,
জাদে চিগোন্ ভিলি।
ন' ভাবীচ্ মনান্ চিগোন্,
ন' দিস্ মরে ঠিলি।
যুনি যাস্ মরে ফেলে,
পর' আহধত্ ধুরি।
গেলে দ' গেলে, হেনে গেলে,
ভাবী চেস্ আগে মুরোত্ পুরি।
ইধু বেড়াস্ হোলামেলা,
আদাম্ দীঘোলি।
ন' দেগছ? তুই, বোরকা বলা,
মুয়ান্ও ন' পান্ হুলি।
বিজু অকতত্ মদ্-জগড়া হেই,
বেড়িয়োস্ আদামে আদামে।
রিজেবদে ছো ত' নেক্কোই,
বা'ঝি (স্পর্শ) থেলেও চামে চামে।
রুমোত্ বোই বোই হানিবে,
চিত্ পুরিবো মা-বাপ্।
সুধিনোর্ (সতিনের) ঝাঁজি যেক্কে শুনিবে,
পুরিবো মাধাত্ হদাকতালাক্।
বদনাত্তুন্ যেক্কে পানি হেবে,
মনত্ উদিবো রাঙাঁচাঙাঁ হুত্তিবো।
নাঙ্ বদলি যেক্কে "বেগম" নাঙ্ থবে,
সেক্কে মনত্ উদিবো আজু-নানু গোজা-গুত্তিবো।
পরানে মাগিবো ছিদোল্ তোন্,
ছাবারাং গুদিয়ে,
মনত্ উদিবো জুমচাপ্ মোন্,
সমাজ্যায়ুন্ একসাদিয়ে।
হি সুখ্ তর্ সিয়েনি!
বেক্কুনে ইস্ গুরিবেক্!
যেক্কে মুরিবে নাক্ দিনেই,
বেক্কুনে জক্ হারিবেক্।
থবাককোই মাদিত্ গারে,
অবে হেচ্চো আদার্।
মা-বাবর মনত্ দুখ্,
বদনাঙ্ অবাঙ্ পাদার্।।।
২৪/১২/২০১৪
( ৩৭)
"হাম্মো নাগুরী"
সনার্ চিজি নাগুরী,
বেন্-সুধো হাম্ ত' গুরি।
আহদা ধল্য জুম্ মূখ্যা,
পিদিত্ ইক্কুয়া টঙ্ বুক্যা।
হাবিবার্ হিয়র্ হবর্ নেই,
মুজিযার্ ধানান্ পাগিনেই।
চেই থেলে হাররে ন' অব',
নাগুরী হামত্ আক্কোব'।
মাম্রা-চিন্দ্রা জুম্ জগা,
মামা যিয়েগোই তোন্ তোগা।
নাগুরী হাবিবোগোই কব'রক্ ধান্,
সেনত্যায় পিঞ্যেঁগোই নুয়ো পিনোনান্।
২৯/১২/২০১৪