ছড়া
১.দিবুচ্যা মাধান্ ঘুমোত্তুন্ উধি,
১.দিবুচ্যা মাধান্ ঘুমোত্তুন্ উধি,
পাদল্ পাদল্ উলু কুদি,
সিদোল্ দলা মুরিচ্ বাদি,
উলু কুরবো গুরিদে।
আড়' মাধাদি গত্তনা বাহবে,
উলু কুরবো চাবে চাবে,
ছিচ্যে ছিচ্যে ও পরানবে....মরে ডাগিদে।
কধে কধে লেত্য এজেদে।।।
২.তেদোই কুরবো বীজি সমত্,
জীংকানি সুত্তো থেব' মনত্।
ভুদি কাবি গোঙোঁত্যা কুরবো,
গরাজত্ চাবে তিন্নো চেরবো।
আধিক্ ঝালে জিল্ তিত্তিরায়!
আধিক্ হরয়ে দাত্ শিরশিরায়।
নাঙ্ ঘিনিলে লেত্য ধেরধেরায়।
এক্ চাবানত্ চোক্কুন্ ঝোরবুয়ো!!!
৩.কাত্তোলো মুজিত্ বড়ই পলে,
বীজি ফেলেনেই গমেদালে।
হর' হর' কচ্ কচ্ গুরি,
খাদে লাগে গম্।
চোরবেকগুলো আ কাজা আম্,
মাম্রা-চিন্দ্রা কাজুবাদাম্,
ছুচমরিজোত্ সিদোল্ পলে,
তারেও ন' কুয়ো কম্।।।
=================