ছড়া
মনে মনে ভাবঙর।
মনে মনে ভাবঙর।
সুঘে-দুঘে যা গঙাঙর দিন্,
ইত্তুন্ বেশ্ দুঘোত্ পরিম্,
যে মরা মরঙর।।
ফাবাক্যা যে কারে কয়,
ন' ভাবঙর পাচ্-ছয়।
মূয়োত্ যে বল্ আগে,
কঙর দ' কঙর।
কিজেনী কাত্তুন্ উধের গঙ্!
মুরে মুরে কন্যাঁ আগে,
নিজ' দুশ্চানী ন' ভাবী,
দিই যার গেল্.....তদা গেত্ পড়ে সঙ্!!!
যুনিও অজেঅজ্ কধা,
অলে ওক........তর কি কবাল্ পুরের!
কই চা বাবর পুত্!
চুমো ন' দেখ্যা বাদে,
ঠাহর পেবে....কারে কয় মগদা!!!
তুগুরিত্ তলে বোই,
যুনি পারছ্ লুচ্ছো গুরি।
মনত্ ন' জুপ্পে কধানি,
দেঘের দেঘের অব' পা,
যুনি পারছ্ কোই।
তুরিবে একাল্,
ভুদ্ভুদোক্ চবাশাল্!
মূ মিধে লুচ্চোমি গুরিবে,
যে যে কবার কধোক্,
কান্ দ্বিবেদী শুনিবে।
তুয়ো যুনি ন' পারছ্ তুরি....চুগোর খাং ডেনগাল-বাঙগাল্!!!
মুই ন' পারঙ্ লুচ্ছো গুরি,
মরঙর জেদাবাদে...বুদু ছিনে গুলো ধক্,
একুলও নয়, ওকুলও নয়,
অনতিত্যে, নিরিতিত্যে জিংকানী মর,
ঈলে পাদারে পুরি।।।
=================