ছড়া
মদ্ হেলে, হেব' সমারে,
মদ্ হেলে, হেব' সমারে,
মত্তান্ হাদে তগাতগি,
মিধেমু গুরি ডাগাডাগি।
যা আগে ভাগাভাগি, এক্ সমারে বইনে হেলে,
যানে ঈল্ মরে......।
পইলা পইলা কধা কবাক্,
দ্বি হাপ্ হাদে গান্ ধুরিবাক্।
বদল্, চামেচ্, দস্তাহুম্,
যে বল্ আগে দুমদুমাদুম্।
আঝি, গানে, নাচ্ চলিবো,
আধ' চাবরে........ ।
গান্-বাজনা থুম্ অই এলে,
মদ' বিঝে মারি এলে।
কা কধা কন্যাঁ শুনে,
বেক্কুনে কুইয়ে, নেই শুনিয়ে।
লারে লারে কধা বাট্টা,
কবাক্ গঙাঁরে......... ।
ইক্কো হত্তে অয়চে অয়,
ইক্কো হত্তে, সবাই নয়।
পুরোন্ পিড়ে ঈধোত্ তুলি,
সেক্কে ন' থায় আর চলাচুলি।
এনে এনে ধরাধুরি,
যে যারে পারে........।
রেত্য মদ্ হে দিন্নো ঘুম্,
আড়ালা কড়ালা আগে জুম্।
আলু-কজু গেজেঁ যার,
দেবা পেরাগতও থান্ ন' পার।
এঞ্জান্ অলে, কেনে হানা,
ভাদে কাবরে......... ।
......... হেলে, হেব' সমারে।।।
***************************