গান
আমি নুও দিনোর গাবুজ্যে-গাবুরী (২য়
আমি নুও দিনোর গাবুজ্যে-গাবুরী!
বেল পহর যোক ফুরেই,
তারা পহরে আধিবং।
ন' থেবং চুপ গুরি,
সংজয়ারে মাধিবং।
আধে আধ ধরাধুজ্যে,
মনে মন্ মিজেনেই।
উজেবং মুজুঙে,
সংহুচ বাড়েনেই।
ডাগি আন' সমাজ্যা-সমারী।
আমি নুও দিনোর গাবুজ্যে-গাবুরী।
বেক্ বানা (বন্ধন) ছিনিনেই,
উড়িবোং আগাজত্।
ফুত্যা ফুলোর তুমবাচ্,
ছিদেবং বুইয়ারত্।
জাগেবং পিত্থিমীর,
অবুজ মানেয়ুন্।
দেঘে দিই দোল পথ্,
ডাগি ল' সমারুন্।
আধে আধ ধুরিনে সমাজ্যা-সমারী।
আমি নুও দিনোর গাবুজ্যে-গাবুরী।
পথ আঘে ভালোদ্দুর,
অলিব্ আর ন' গুজ্জ'।
যাদি যাদি আক্কো ল',
পিজে আর ন' পুজ্জ'।
জিদিবোং জিদিবোং,
উজে য' উজে য'।
ন' রাগেয়ো গুমোরোত্,
পাং পাং ভাঙীঁ হ'।
দোলে মন হুলিনেই,
সমাজ্যে-সমারী।