নাদংছারা
👮 এয়াঞ্যাঁ অবঅ ভিলি হবর পেদুং মোক ন' লোনেই থেদুং। আওজে লোলুংগে পাগল ওনেই। ইক্কে থাহর পাঙর পাগল ওনেই মোক লনার মর্ম!
নাদংছারা জিংকানি! ইজু উদেদে।
👮 নাদংছারা মর জিংকানি!
হেনে হাদেম হিজেনি! (গিরিত্তি এব' আলুপাদা তালুও ন' অয়)
👮 সেনেত্যে হংগে নুন ন' হিনিম,
এদক্কি নুনজো তোনানি।
ভাদত - তোনোত নিত্য চুল।
ইরিদি থচছি/থচধ চুলানি।
নাদংছারা (মর) জিংকানি।
হেনে হাদেম হিজেনি?
👸 নুন দিলেও/দিলেধ নুনজো হচ,
হেই ন' পারস (ভেলে) আনুনি।
শিম্পু, তেল হিচ্ছু নেই ( ইজু রাগ উদেদে...)
উগুরি যাল্লোই চুলানি।
(সিয়েনিত তর চোখ আঘেনি?)
ভগবানে (ভাচ) দেধে তরে,
(বানাহ) আজাবের ন' হিয়া হধানি।
👮 দচয়ো বাঝিনে (বেইনে) তরে লোলুং,
হিজেনি হার আধত পোলুং?
দিনে - রেদে এক লাগার,
ইক্কে দ' তর বানাহ ঘুমানি!
নাদংছারা (মর) জিংকানি।
হেনে হাদেম হিজেনি?
👸 নহ্ লদে দ' হাম হিয়স।
সে হধানি (ইক্কে) হুদু থোইয়ছ?
সেক্কে হদক পরান (পরানী, চিক্কো, বেভে,...) ডাক্যস।
ইক্কে হুদু গেল সিয়েনি?
ভগবানে (ভাচ) দেদে তরে,
(বানাহ) আজাবের ন' হিয়া হধানি!
👮 (নিত্য) ভুদে ফুন দ্যনদে ধক।
ফুলেয়্যা থাচ্ছি গত্তনা রক।
পানিত ফেলাঙর মু মিধে গোরি,
আমিজে ডাগানা পরানি!
(মর) নাদংছারা জিংকানি।
হেনে হাদেম হিজেনি?
👸 এন হোই পারং নয়য়ো লং।
সেয়ন্যা হোচপানা এক্কুরে থং।
হুদু গেল' গাবুরো অক্তর,
ননিয়ে ননিয়ে তর হধানি।
👮👸 নাদংছারা জিংকানি
হেনে হাদানা হিজেনি!