( গান? কনফিউজড)

নাঙেল' পিদিত তিনান ঘর,

বেগঅ সংমধ্যে।

সিয়ত্তুন ইক্কো ডাঙর ভুজি,

মরে বৌ হোই দ্যে।

বিঝু ফিরি বৌ চা যিয়ং,

নাগর মাধতেই নানাগান।

ফিত্তে ছহলাত মনে হুয়েদে,

সংসমারে লগে আন।

যিয়ং লাগত দাধাহ দাধাহ,

ডাক্যেদে নিচিদে।

কান পাদিলে এভ শুনং,

সেম্বা মু মিধে। (ঐ...)

রাঙাও নয় কালাও নয়,

মত্তুন সামরঙ্যা।

যিন্দি চেধসাত সিন্দি দোল,

ধাগে পাদাস্যে মুজুঙ্যা।

লোবিয়ত্তানি তার হোবার নয়,

হধানি হয়ধিও সেপফোদে।

কেনে ভুলিমআই ভাত্তুন হাধে,

মরে আধ ধোই দ্যে। ( ঐ...)

কিজেনি তারে পেমনি ন পেম,

হি আঘে হোবালত।

ঘরান অয়েদে ভাঙা চাঙা,

আঘিদেই অনালত।

মা-বাপ আঘন জুরোগরি,

বাজছ্যে মর চিদে।

দোল দ দোল সিত্তুন আর'

এক্কুয়ারে মু মিধে। ( ঐ..)

০৩/০৫/২০১৯